مكسور
شعر/ هشام بن طالب الكثيري - هندسة نفطية
يتعب اللي بيضحك يضحك وهو مكسور
ومايشوف الدواخل غير رب البريّة
شوف لمن تبسم عايش يمثّل الدور
وكيف يجمع بوقتٍ بين هذا وذيه
صرنا مثل الدواير والزمن مثلنا يدور
ومانوصل هدفنا غير بالدائرية
واللي يمشي سماحاً لقيته جمة حسور
فكّر بنص طريقة عاد للمتويّة
ساكن الليل يعرف لاذكر قيمة النور
ومايعرف القضية غير مولى القضية
اما لو ضاق صدري وانطعن فيني الشعور
التفت صوب داره والقلوب الوفية
لاتجافي رفيقك لو يجي منّه اقصور
كلنا نسل اَدم والاوادم خطيّة
لملمي روح بيدك وجمعي قلب مكسور
وكشفي عن ضياكِ ياقمر وين ضيّة
سالك الله تخلي صاحبي دوم مسرور
وما انكتبله شرورِن حوّله لا قديه
رح وغب يارفيقي دام في القلب محفور
ولاتطول غيابك حبه حبه عليه
سوي الّي تسوي صاحبك منك مجبور
وان يجي جرح منك احسبه طيب نيّه
صاحبك فيه قلبن مايطاوع على الجور
وان يطاوع رميته يحرم يدق فيه
ليست هناك تعليقات:
إرسال تعليق